in menader da scola / ina menadra da scola

145 scolaras e scolars dalla scoletta, dil scalem primar e dil scalem superiur reparti sin duas casas da scola ed in collegi da bien 20 persunas d’instrucziun spetgan sin ina persuna premurada e promta da surprender il tgamun. 

Incumbensas:

·       Organisaziun ed administraziun dil menaschi da scola

·       Direcziun dil persunal da scola e dils pedels

·       Direcziun pedagogica - tgirar e svilupar la qualitad dall’instrucziun e da scola

·       Planisaziun finanziala e controlla dil preventiv

·       Lavurs concepziunalas

Per la direcziun da nossa scola encurin nus ina persunalitad:

·       cun scolaziun da menader da scola, cun ina scolaziun equivalenta ni ch’ei prompta d’absolver la scolaziun da menader

·       communicativa, flexibla, cun bunas cumpetenzas da menar e cumpetenzas socialas

·       cun experienza sco persuna d’instrucziun

·       cun experienza en lavur concepziunala

·       che sa iniziar, svilupar e realisar cun success projects da scola ensemen cul team scolastic

·       ch’ei cumpetenta e che ha plascher dall’organisaziun e da planisaziuns

Vus encuris ina scola ch’ei posiziunada bein, cun bunas structuras, inovativa e promta da sesvilupar per esser preparada per las pretensiuns vegnentas? Vus essas fascinai dad in’instrucziun che s’orientescha a cumpetenzas e che promova las scolaras ed ils scolars? Igl emprender en atgna responsabladad, igl emprender in da l’auter ed il bien clima da lavur schein a cor a vus? 

Ei la realisaziun e promoziun dad aspects centrals el svilup dalla scola vossa finamira e la plazza publicada porscha a Vus ina perspectiva interessanta e provoconta, lu selegrein nus da Voss’annunzia.

Las cundiziuns da lavur sedrezzan tenor las prescripziuns cantunalas e communalas. Lavurs administrativas vegnan exequidas dil secretarit da scola. Igl ei pusseivel da cumpletar il pensum da lavur dalla direcziun cun in pensum sco persuna d’instrucziun dil fatg.

Per ulteriur sclariment statan il menader da scola (conradin@cuschnaus.ch / tel. 081 931 36 82; 

079 468 67 38) e la presidenta dil Cussegl da scola (r.e.lorez@bluewin.ch / tel. 078 764 68 24) bugen a disposiziun.

Voss’annunzia culs documents usitai e cumplets saveis Vus inoltrar entochen ils 17-01-2020 alla suandonta adressa:

Scola Lumnezia, menader da scola Conradin Caduff, Cuschnaus 172, 7143 Morissen ni per mail (pdf) a conradin@cuschnaus.ch